𝐋𝐀𝐈𝐍𝐆 𝐊𝐀𝐇𝐈𝐆𝐀𝐘𝐔𝐍𝐀𝐍 𝐀𝐋𝐀𝐍𝐆 𝐒𝐀 𝐋𝐈𝐁𝐑𝐄𝐍𝐆 𝐎𝐏𝐄𝐑𝐀𝐒𝐘𝐎𝐍 𝐈𝐏𝐀𝐇𝐈𝐆𝐀𝐘𝐎𝐍
Agi’g pagpangandam alang sa himoon nga dakong libreng operasyon o surgical mission, adunay gipahigayon nga pre-screenings sa Badian ug Malabuyoc district hospitals alang sa mga Sugbuanon nga dunay goiter, hernia, gallstones, cysts ug bugon.
Karong adlawa, Domingo, Enero 11, 2026, ang libreng pre-screening ipahigayon sa Badian District Hospital kauban ang team gikan sa DOH-Cebu South Medical Center. Kini magsugod sa alas otso sa buntag (8 a.m.) hangtud sa alas kuatro sa hapon (4 p.m.).
Kagahapong adlawa, Enero 10, gipahigayon ang libreng pre-screening sa Malabuyoc District Hospital kauban si Provincial Board Member, Doc Stanley Caminero.
Mobalik ang medical team sa Enero 17, alang sa katapusang pre-screenings sa Badian District Hospital ug Malabuyoc District Hospital, sugod alas otso sa buntag (8 a.m.) hangtud sa alas dose sa udto (12 noon).
Kining maong kalihokan gipanguluhan sa Cebu Provincial Government pinaagi sa pagpaningkamot ni People’s Governor Pamela Baricuatro ug Capitol Piso Health Consultant Dr. Nikki Catalan ubos sa panag-uban sa Cebu South Medical Center, Calma Mission pinaagi ni Justice Geraldine Faith Econg, Sui Generis Mission, Cebu Doctors’ University Hospital Dental Team, Kaambag Clinic sa VSMMC, Malasakit at Bayanihan Partylist, ug sa siyam (9) ka Local Government Units sa South Cebu — Dumanjug, Alcantara, Alegria, Malabuyoc, Ginatilan, Badian, Moalboal, Ronda ug Samboan, lakip na ang Badian District Hospital ug Malabuyoc District Hospital.
Ang ACTUAL SURGICAL MISSION ipahigayon sa Enero 24 ug 25, 2026 sa Malabuyoc District Hospital.
Alang sa dugang impormasyon ug kasayuran, padayon sa pag like ug follow sa Cebu Province ug Cebu Provincial Health Updates FB pages. /𝑪𝑨𝑷𝑰𝑻𝑶𝑳 𝑷𝑰𝑶
Check this also: Capitol Receives ₱50K Donation From Veterans Bank for Typhoon Tino Recovery
