Home / Provincial News / Kapitolyo nagpasiugdag pananom og kahoy

Kapitolyo nagpasiugdag pananom og kahoy

| by: News News

DSC_0015Malampusong gipahigayon sa Probinsya sa Sugbo ang “Malawakang International Tree Planting Day” uban sa pakigtambayayong sa Carmen Copper Corporation sa Barangay Daanlungsod sa Syudad sa Toledo.

Ang maong kalihukan gipangulohan ni Gobernador Hilario Davide III ug sa iyang asawa nga si Ms. Jobella G. Angan ug giabagan sa Carmen Copper Corporation nga maoy naghatag ug libuan ka mga luyong sa maong barangay. Kini agi og suporta sa National Greening Program (NGP) nga gipangulohan ni Presidente Benigno Aquino III ubos sa Executive Order No. 26 ug sa Department of Interior and Local Government (DILG’s) Memorandum Circular 21 sa Billion Trees Program.

Sumala pa ni Environment Department Superintendent, Christopher John Salcedo nga ang maong kalihukan ipahigayon unta sa Barangay Biga, apan gibalhin kini sa Barangay Daanlungsod tungod kay mas accessible kini sa staff sa probinsya ug ang luna nga gitamnan kay usa ka-government lot.

Puno pa niini nga nagdala sila og staff aron maka-facilitate ug makatabang sa pagpananum. Ang mga seedlings nga ilang gihatag mao ang mga fruit-bearing seedlings sama sa guyabano, bayabas, nangka, naa usab silay gihatag nga dili non-fruit-bearing seedlings sama sa narra, ug magnium seedlings, aron matabangan ang mga residente sa maong lugar.

Sa pakighinabi sa PIO head nga si Ms. Ethel Natera, gisugilon niini nga nagmalampuson gayod ang Tree Planting Day tungod sa pagtinabangay nga gipakita dili lang sa mga empleyado sa Kapitolyo ingon man usab sa mga residente nga naghatag og pagpakabana sa pagpananum.

Ang maong kalihukan gihimo usab aron makunhod ang illegal quarrying ug mahatagan og bag-ong panginabuhian ang mga residente mga napektuhan niini.

Sumala pa sa Barangay Kapitan sa Daanlungsod nga si Jose Letrago nga anaa sila’y laing kapilian nga panarbaho isip ilis sa mga illegal nga mangangayag sama sa pagbantay sa fishponds ug nagtukod sila og training center aron pagtabang sa mga residente sama sa pagpanahi, pagluto, driving, ug uban pa. Nagplano usab ang barangay nga magpalit og backhoe ug payloader.

Siya nagkanayon nga mapasalamaton ug nalipay gyud sila sa maong kalihukan.

Matud pa ni PENRO (Provincial Environment and Natural Resources Office) officer-in-charge Atty. Chad Estella nga napili ang maong lugar sa pagpahigayon sa Tree Planting kay kini nailhan sa PPDO (Provincial Planning and Development Office) nga usa ka landscape prone area ug makita usab sa records nga ang illegal quarrying ug illegal extraction nga kalihokan nagpundok gayod sa Toledo lakip na sa Sapangdako.

Dugang pa ni Atty. Chad, “Ang among pagpananom dinhi is not only a compliance sa atong ordinance but to send them the message nga ang province of Cebu is sincere in protecting the environment”. (Lee Dela Cerna/Hedda C. Paquibot, USJ-R Masscomm Intern)